გაიცანით ადამიანი, რომელიც Volkswagen-ის 17 მოდელს ფლობს

დიდი კოლექცია ერთი განსაკუთრებული ავტომობილით.

გასაკვირი არ არის, რომ თითქმის ყველა ავტომოყვარულს გარკვეული სახეობის საავტომობილო კოლექციის ფლობა სურს. ასე და ამგვარად, ერთმა ავტომოყვარულმა, სახელად სტივ სმიტმა, Volkswagen-ის მოდელების შეგროვება დაიწყო. ახლა მას ამ ბრენდის 17 მოდელი ჰყავს. ზემოთ წარმოდგენილ ვიდეოში კი კოლექციის სრულად ხილვას შეძლებთ.

სმიტისა და მისი ძმის სუსტი წერტილი პირველი გამოშვების GTI-ა. ისინი იმ პერიოდში გაიზარდნენ, როცა ეს ავტომობილი ძალიან პოპულარული იყო. ძმებმა, შტატებში გადასვლამდე, ხუთი ასეთი მოდელის მოგროვება მოახერხეს. სამუშაოდ ამერიკაში გადაცხოვრების შემდეგ, სტივმა მეორე გამოშვების GTI შეიძინა და ისტორიაც აქედან იწყება. ის ელექტრო და მექანიკურ ინჟინრად მუშაობს, რის გამოც ავტომობილების თავისი ხელით მოდიფიცირებაში საკმაოდ გაწაფულია.

შესაძლოა რიცხვი 17 ბევრად მოგეჩვენოთ, მაგრამ გეტყვით იმას, რომ მანქანათა უმეტესობა მხოლოდ ჩონჩხს და პროექტებისთვის საჭირო სათადარიგო ნაწილების ბაზას წარმოადგენს. მიუხედავად ამისა, კოლექციაში რამდენიმე ძალიან საინტერესო მოდელს შეხვდებით.

ერთ-ერთი ყველაზე იშვიათი ავტომობილი მეორე თაობის Golf Rallye-ა. ეს ავტომობილი სმიტმა Fiften52-ის აღმასრულებელი დირექტორისგან, ბრედ ბიერდოუსგან შეიძინა და ის აშშ-ში ერთ-ერთ ყველაზე იშვიათი VW Golf-ის მოდელია. გერმანულმა მწარმოებელმა 80 იანი წლების მიწურულს მხოლოდ 5 000 ასეთი ეგზემპლარი გამოუშვა. ახლა კი ჩრდილოეთ ამერიკაში 15 Golf Rallye-ა დარჩენილი.

განიერი კორპუსის მქონე Rallye, Golf-ის ამ ერის ყველა მოდელისგან განსხვავდება. ეს ავტომობილი როგორღაც ახერხებს ჰქონდეს ამაღელვებელი ესთეტიკურობა ისე, რომ თვალში ზედმეტად არავის მოხვდეს. კორპუსის პანელების გარდა, კიდევ ერთი გამორჩეული დეტალი ორმაგი ხრახნის მქონე კომპორესორიანი ძრავაა, რომელიც გასაოცარ ხმას გამოსცემს.

სმიტი ავტომობილში დიდი რესურსებისა და შრომის ჩადებას გეგმავს იმისთვის, რომ ავტომობილი ჩვენებებისთვის ტრანსფორმირდეს. ის ამ ავტომობილს ხშირად ნამდვილად არ მართავს და საბოლოო შედეგის ხილვა უდავოდ საინტერესო იქნება.