Tesla Model Y ჰეჩბეკის დიზაინი შესაძლოა პრობლემა გახდეს
Tesla Model Y უკვე გაყიდვაშია და მყიდველების შეფასებებიც ძირითადად დადებითია.
თუმცა, არც ერთი მანქანაა სრულყოფილი. Model Y-ს ასაწევი უკანა კარი, სხვა ჰეჩბეკებისგან განსხვავებით, ბამპერთან არ მთავრდება და გაცილებით ქვემოთ ჩამოდის.
ამგვარად, „ტესლამ“ შეძლო მანქანის დატვირთვა უფრო ადვილი გაეხადა. ტვირთის ამოღებაც გამარტივებულია.
ჩნდება კითხვა: რა როლს ითამაშებს ეს ფაქტი უკნიდან შეჯახებებში? „ტესლა“ დღეს მსოფლიოში ერთ-ერთ ყველაზე უსაფრთხო ავტომობილებს აწარმოებს. თუმცა, მსგავსი უკანა კარით, შესაძლოა მანქანამ უკანა შეჯახებისას სერიოზული დაზიანება მიიღოს.
შეადარეთ Model X-სა და Model Y-ს უკანა კარი. X-ს გაცილებით მაღალაა. ნაკლებად სავარაუდოა, რომ ეს უკანასკნელი უკანა შეჯახებისას ისევე დაზიანდება, როგორც Y.
გასაგებია, რომ X შედარებით მაღალი ავტომობილია, თუმცა პროპორციულად კარი მაინც უფრო მაღლაა.
სხვა ჰეჩბეკებიც არსებობს, რომლებსაც მსგავსი დიზაინი აქვს, მაგალითად, I-Pace-ის უკანა კარიც ბამპერთან არ სრულდება. თუმცა Tesla Model Y ეჭვებს მაინც ბადებს: იყო ეს ხარვეზი დიზაინში, თუ კომპანიას ყველაფერი გათვლილი ჰქონდა?
