Lamborghini საჭირო სამედიცინო აღჭურვილობას ამზადებს

იტალიაში კორონავირუსით გამოწვეული მდგომარეობა თითქოს შემსუბუქდა, მაგრამ სამედიცინო პერსონალი საჭირო აღჭურვილობის ნაკლებობას განიცდის.

Lamborghini - მ რთულ დროს ინიციატივა საკუთარ თავზე აიღო და დახმარება გადაწყვიტა. კომპანიამ თავისი Sant’Agata - ს ფილიალი სამედიცინო ნიღბების და ფარების წარმოებას დაუთმო.  საჭირო აღჭურვილობა ბოლონიის ერთ-ერთ საავადმყოფოს გადაეცემა.

ნიღბებს კომპანიის ინტერიერის დეპარტამენტის თანამშრომლები კერავენ. ისინი დღეში 1000 ნიღაბს და სამედიცინო 200 დამცავ ფარს ამზადებენ.

ფარები 3D პრინტერის გამოყენებით კარბონის წარმოების განვითარების დეპარტამენტში მზადდება.

ყველა ეს საქმიანობა ბოლონიის უნივერსიტეტთან თანამშრომლობით სრულდება. მათი მედიცინისა და ქირურგიის დეპარტამენტი შექმნილი პორდუქციის ხარისხს შეამოწმებს და მხოლოდ ამის შემდეგ აღჭურვილობა საავადმყოფოს გადაეცემა. 

პანდემიის დროს ერთიანობის გამოსახატად, კომპანიამ ისტორიული სათავო ოფისი იტალიის დროშის ფერებში აანთო.