10 Ferrari, რომლებიც ნაკლებად მიმზიდველია
არ არსებობს Ferrari, რომლის ყოლაზეც ვინმე უარს იტყვის, მაგრამ იტალიური ავტომწარმოებლის ავტომობილებშიც არის ისეთი მოდელები, რომლებიც ნაკლებ აღფრთოვანებას იწვევს. ზოგის ექსტერიერი უფრო დახვეწილ მოდელებს ცოტათი ჩამოუვარდება, ზოგი კი თავის ტექნიკურ შესაძლებლობებს ვერ ამართლებს. ამ სიაში თქვენ შეხვდებით Ferrari-ს იმ მოდელებს, რომლებმაც ავტომოყვარულების გულები ვერ დაიპყრო.
330GT 2+2
ეს იყო Ferrari-ს პასუხი Jaguar E-type-ზე. ავტომობილი, რომელსაც თავად ენცო ფერარი აღწერდა, როგორც მსოფლიოში ყველაზე ლამაზ ავტომობილს. თუმცა, სტილურად, ის წარმატებული პროექტი ნამდვილად არ იყო. წინა 250GTE ელეგანტური იყო, მაგრამ 330-ის მაშუქების დიზაინი, რომელიც 1960-იანებში მოდური იყო, ამ ავტომობილზე ტლანქად გამოიყურებოდა.
განახლების შემდეგ უკან მაშუქების მარტივი დიზაინი დააბრუნეს. 4.0-ლიტრიანი V12 ძრავით, 4-ადგილიან კუპეს 240+ კმ/სთ-ს განვითარება შეეძლო. მიუხედავად ამისა, მისი ფასი დღეს ორჯერ ნაკლებია, ვიდრე წინა 250 მოდელის.
365GTC/4
365GTC/4 ლეგენდარულ Daytona-სთან ბევრ დეტალს იზიარებს, თუმცა, ის მის გლამურულ ნათესავზე სამჯერ ნაკლები ღირს. რატომ? მართალია, Daytona 1284 ეგზემპლარად აიწყო, GTC/4 კი მხოლოდ 500-ად, მაგრამ ის ღვინოსავით არ დაძველდა. 1970-იანებში გრძელი კუდი მოდაში იყო, თუმცა, მას Daytona-ს ვნება არ ჰქონდა.
მიიჩნევა, რომ GTC/4 უფრო სასიამოვნო სამართავია, მას საჭის და კონუსის ჰიდრავლიკა აქვს.
365GT4
ბოლო წინაძრავიანი, V12-იანი 365 Ferrari-ს ისტორიაში ყველაზე დიდხანს წარმოებული ავტომობილია. თუ 400 და 412i ვერსიებსაც ჩავთვლით, გამოვა, რომ მისი წარმოება 17 წელს გაგრძელდა.
ეს ავტომობილი ოჯახებზე ან მოგზაურობის მოყვარულებზე იყო გათვლილი. 365GT-ს სტილი მოდაში ახლა ბრუნდება. ამ ავტომობილის ფასები კი გასაკვირად დაბალია. ძვირი არც მისი მოვლა ჯდება. მისი ავტომატური გადაცემათა კოლოფი საკმაოდ ხელმისაწვდომია.
308GT4
შანსები ყოველთვის 308GT4-ის წინააღმდეგ იყო: ის შეუდარებელი Dino 246-ს შთამომავალი იყო, რომლის დიზაინიც ბერტონემ შექმნა და არა პინინფარინამ. ის არის 4-ადგილიანი, შუაძრავიანი ავტომობილი.
წინაკაბიანიანი დიზაინი იმისთვის იყო საჭირო, რომ უკანა სავარძლებზე მგზავრებს მეტი ადგილი ჰქონოდათ. მიუხედავად ამისა, უკანა სავარძლებზე ზრდასრულ ადამიანს დატევა მაინც ძალიან გაუჭირდებოდა. გაყიდვები კარგად მიდიოდა. GT4-მა „ღარიბების Ferrari-ს“ წოდება დაიმსახურა.
308 GTBi
Ferrari-მ მყარი დასაყრდნობი, რომელიც GT4-ის დროს დაკარგა, 1975 წელს 308GTB-ს გამოშვებით დაიბრუნა. პირველი მინაპლასტიკიანი მოდელები რთულ მდგომარეობაშია, თუმცა, ცოტა გვიანდელი მოდელები ფოლადის ჩარჩოთია. წონა დაემატა, ცხენის ძალები კი 40-ით შემცირდა.
0-100კმ/სთ-მდე 7.3 წამში აღწევდა. უფრო ადრეული მოდელები კი 6.7 წამში. სწორედ ამის გამო, ადრეული მოდელები კოლექციონერებისთვის უფრო სასურველია, ვიდრე შედარებით ახლები.
208GTB იყო პასუხი იტალიაში დაწესებულ გადასახადებზე, რომლებიც 2000cc-ზე დიდ ძრავებს ეხებოდა. მანქანის გარეგნობის შეცვლის გარეშე, V8 ძრავის მოცულობა 1990cc-მდე შეამცირეს.
თუმცა, ავტომობილს მხოლოდ 157 ცხენის ძალა ჰქონდა. ეს პრობლემა 1982 წელს 208 GTB Turbo-ს გამოშვებით გამოასწორეს. მაქსიმალური სიჩქარე კი 2015-დან 243-მდე გაიზარდა.
348 Ferrari-სთვის წარმატებული გამოდგა. ის იყო მნიშვნელოვანი გაძლიერება 328 მოდელის შემდეგ. 0-100კმ/სთ-მდე თითქმის 5.6 წამში აღწევდა. მაქსიმალური სიჩქარე - 274კმ/სთ. თუმცა, ავტომობილის დიზაინს ბევრი კრიტიკოსი გამოუჩნდა. ეს კიდევ უფრო აშკარა გახდა, როცა 1994 წელს 355 გამოვიდა და გულშემატკივრების თვალში 348 დაამცირა.
სახალისო მართვადობამ ამ ავტომობილს ვერ უშველა. თუმცა, უნდა აღინიშნოს, რომ აუქციონზე ამ ავტომობილების ფასი თანდათან იზრდება.
F50
ამ ავტომობილზე ბევრი შეიძლება არ დაგვეთანხმოს. F50-ს თავიდანვე რთული დავალება ჰქონდა. ის ლეგენდარული F40-ის შემდეგ გამოვიდა. მასში ფორმულა 1-ს ბოლიდების ტექნოლოგია იყო გამოყენებული. შესაბამისი სიჩქარეც ჰქონდა და გამძლეობაც.
თუმცა, მისმა ექსტერიერმა გულშემატკივრების აღელვება იმდენად ვერ მოახერხა, რამდენადაც F40-მა. შემდეგ Enzo-ც გამოვიდა. F50-ს ყოლა კი გემოვნების საკითხად იქცა.
California
California 2008 წელს Ferrari-სთვის ექსპერიმენტებით სავსე იყო. დასაკეცი ხისტი სახურავი, წინ მოთავსებული V8 ძრავა და ორმაგი გადაბმულობის გადაცემათა კოლოფი. ეს Ferrari-სთვის ახალი კლიენტების მოზიდვის გზა იყო.
California იმდენად სწრაფი არასდროს ყოფილა, რამდენსაც მისგან ელოდნენ. გულშემატკივრები უკმაყოფილოები იყვნენ, სადამ 2014 წელს California T არ გამოვიდა.
FF
FF-მა Ferrari ახალ ტერიტორიაზე შეიყვანა. მისი სალონი 4-ადგილიანი, საკმაოდ ტევადია. ოთხივეწამყავნი სისტემა კი დიდი განახლება იყო. 6.2-ლიტრიანი, V12 ძრავა 660 ცხენის ძალას გამოიმუშავებს!
თუმცა, მყიდველები მისმა აგებულებამ და მონაცემებმა ძალიან დააბნია. შედეგად ის მოხდა, რომ გაყიდვები ჩავარდა. ბაზარზე კი მისი ფასი ახლა ორჯერ ნაკლებია, ვიდრე ახალი ღირდა.
