ვიდეო: გაჩერებულ Chevy Bolt-ს ცეცხლი წაეკიდა

დამწვარმა Bolt EV-მ, Chevy-ს ხანძარზე ნავთი დაასხა.

დილით ადრე 20 წლის ხესუს დამიანის 2017 წლის Bolt EV მისი სახლის წინ კალიფორნიაში, საკრამენტოში დაიწვა. ელექტრო ავტომობილი დამუხტვაზე არ იყო შეერთებული. ყველაფერს კი ის ართულებს, რომ ეს მას შემდეგ მოხდა, რაც Chevy-მ ხანძარსაშიშროების გამო ყველა მოდელი უკან გაიწვია. GM ბატარეების აალების პრობლემას მწარმოებელ LG-ს აბრალებს.  

მეზობლები ამ უბედური შემთხვეების მოწმეები გახდნენ. თვითონ დამიანს ეძინა. მეზობლების თქმით კი მათ აფეთქების ხმა გაიგონეს. ავტომობილები, რომლებიც მის გარშემო იყო გაჩერებული, ასევე დაზიანდა: Maserati, Chevy Cruze და Hyundai Elantra.

დამწვარი ავტომობილის სურათის გამოქვეყნებისას დამიანმა Reddit-ზე დაწერა: „ამ ფოტოს იმიტომ ვდებ, რომ იცოდეთ, ეს რეალურია და მართლა ხდება“. მისი თქმით, ის GM-სთვის ჩივილს აპირებს.

„ეს თქვენ ყველას გელოდებათ“. - წერს გაბრაზებული დამიანი.