BMW პლანეტის გადასარჩენად ბიო-ნარჩენებისგან დამზადებულ საღებავს იყენებს

ბავარიული ავტომწარმოებელი გარემოზე განსაკუთრებულ მზრუნველობას იჩენს.

BMW გარემოზე საღებავის მავნე გავლენის შემცირებას ცდილობს. ამიტომ, საღებავებისთვის მხოლოდ განახლებად ნედლეულს, ბიო-ნარჩენებს გამოიყენებს.

ისინი წარმოების პროცესიდან ნედლ ნავთობს ამოიღებენ. ამ გზით ისინი ფიქრობენ, რომ 2030 წლამდე 15 000 ტონა CO2-ის გამოყოფას თავიდან აირიდებენ.

„წიაღისეული ნედლეულის გამოყენების შემცირებით, ჩვენ ბუნებრივ რესურსებსაც დავიცავთ და გარემოში მავნე ნივთიერებების გამოყოფასაც შევამცირებთ. ინოვაციური საღებავები განახლებადი ნედლეულისგან სწორი მიმართულებით გადადგმული ნაბიჯი იქნება“, - ამბობს იოახიმ პოსტი, BMW-ს გაყიდვებისა და მომარაგების ხელმძღვანელი.

BMW პირველი ავტომწარმოებელი იყო, რომელმაც ევროპის ქარხნებში „მწვანე“ საღებავი გამოიყენა. გარემოზე ზიანის გარდა, ასეთი საღებავის გამოყენება, ხარჯებსაც ამცირებს. ასევე მცირდება წარმოების პროცესთან დაკავშირებული ნახშირორჟანგის გამოყოფა გარემოში.