Porsche Panamera-ს მოუთმენელი მძღოლი სატვირთოს უხტება და ავარიაში ყვება

ნათელი მაგალითი იმისა, თუ რატომ არ უნდა ვიყოთ საჭესთან მოუთმენლები.

მოუთმენელი მძღოლები გზაზე საკუთარ თავსაც და გარშემომყოფებსაც საფრთხეს უქმნიან. ისინი ხშირად სულელურ ავარიებს იწვევენ.

ავტომობილის კამერით გადაღებულ ვიდეოში ჩანს, როგორ მიდის სატვირთო ორზოლიანი გზაზე, როცა მოულოდნელად ვიდეოში ვერცხლისფერი Porsche Panamera ჩნდება.

Panamera-ს მძღოლმა გადაწყვიტა, რომ გასწრება კარგი იდეა იქნებოდა. როგორც ჩანს, ის მოძრაობის ტემპით უკმაყოფილო იყო.

წინ მიმავალი უნივერსალი მუხრუჭებს აჭერს, რათა ქვეითს გზა დაუთმოს. Porsche-მ უნივერსალთან შეჯახება თავიდან აირიდა. სამაგიეროდ, სატვირთო Panamera-ს უკნიდან ეჯახება.

ქვეითი ცდილობს Porsche-ს მძღოლს აუხსნას, რომ ეს ავარია მისი ბრალი იყო. Panamera-ს მძღოლი კი იმედგაცრუებულია და ჟესტებით თუ ვიმსჯელებთ, მომხდარში სატვირთოს მძღოლს ადანაშაულებს.

ეს კარგი მაგალითია იმისა, თუ რა შეიძლება მოხდეს, როცა საჭესთან მოუთმენელი მძღოლი ზის. როგორც ჩანს, დამატებით, Porsche-ს მძღოლი უყურადღებოდაც იყო. ავტომობილიდან გადმოსვლისას ის ტელეფონზე საუბრობდა.