ახალ Ford Mustang Cobra Jet-ს 1400 ცხენის ძალა ექნება

Mustang Cobra Jet 1400 ახალი „დრაგსტერია“, რომელიც 402 მეტრს მხოლოდ 8 წამში ფარავს.

როგორც სახელშიცაა ნახსენები, ავტომობილს 1400 ცხენის ძალა აქვს და იმ ორიგინალი Mustan 428 Cobra Jet-ის კვალს მიყვება, რომელიც 1968 წელს გამოვიდა.2020 წლის Cobra Jet-ის აგრეგატზე ჯერ დეტალები ცნობილი არა არის, თუმცა, როგორც ამბობენ, მისი ელექტრო აგრეგატის შესაძლებლობები ახალ სტანდარტებს დაამკვიდრებს.

ახალი მანქანა ამერიკის შეერთებული შტატების საინჟინრო ფირმებთან თანამშრომლობითაა შექმნილი. ამ ფირმების სიაშია: MLe Racecars, Watson Engineering, AEM EV და Cascadia. ახალი მანქანა ტესტირებებს ამერიკაში გადის და წლის ბოლოს მისი დებიუტიც შედგება.Ford-ი მისი EV ტექნოლოგიების წარმოების შესაძლებლობას გვიჩვენებს. მათ Mustang Mach E ელექტრო სუვი უკვე გამოუშვეს.

დეივ პერიკაკის, Ford-ის ყველაზე წარმატებული დივიზიის დირექტორის განცხადებით, ელექტრო აგრეგატები მათ სრულიად ახალ შესაძლებლობებს აძლევს და ელექტრო Cobra Jet 1400 ახალი ტექნოლოგიის უმაღლესი დონის მაგალითია.

- „ძალიან გვიხარია, რომ ელექტრო Mustang Mach-E Mustang-ის ოჯახს შეუერთდა“. - ამბობს ის.Ford Performance Motorsports-ის გლობალური დირექტორის მარკ რაშბრუკის თქმით, 1400 პროექტია, რომელიც ელექტრო აგრეგატების სარბოლო მანქანებში გამოყენების განვითარებისთვის კარგი მაგალითია.