Subaru Outback-ის მოუთმენელ მძღოლს სკოლის ავტობუსი შეეჯახა

კიდევ ერთი მაგალითი იმისა, თუ რატომ არ უნდა ვიყოთ მოუთმენლები.

2019 წლის Subaru Outback-ის მძღოლს გაუმართლა, რომ სკოლის ავტობუსთან შეჯახების შემდეგ გადარჩა. ეს ვიდეო, რომელშიც საშიში ავარიაა ასახული, ჩრდილოეთ კაროლინაშია გადაღებული.

ვიდეოში ჩანს, რომ Outback-ის მოუთმენელი მძღოლი გზაჯვარედინისკენ მოხვევის ზოლში გადაადგილდება. როგორც ჩანს, მას საცობისთვის თავის არიდება სურს. მოულოდნელად, გზაზე სასკოლო ავტობუსი ჩნდება და ეჯახება.

როცა Subaru გზაჯვარედინს მიუახლოვდა, ყვითელმა ავტობუსმა მარცხნივ შემოუხვია. Outback-ის მძღოლმა ავარიისგან თავის ასარიდებლად მუხრუჭებს დააჭირა და მარცხნივ გადაუხვია, მაგრამ უკვე გვიანი იყო. ავტობუსმა კროსოვერი ტროტუარზე ააგდო.

ავარის დროს ავტობუსში მხოლოდ ერთი მოსწავლე იჯდა. მძღოლი და მოსწავლე არ დაშავებულან. უფრო გასაკვირი ისაა, რომ ამ შემთხვევას Outback-ის მძღოლიც დაზიანებების გარეშე გადაურჩა.