Tesla-ს აქციები უფასურდება
Tesla-მ საკმარისი რაოდენობის ავტომობილები ვერ გაყიდა... მასკმა ტვიტერზე არაპოპულარული აზრი გამოთქვა.
ელექტრომობილების მწარმოებელი ამერიკული კომპანია Tesla-ს აქციები ნიუ-იორკის საფონდო ბირჟაზე ღირებულებას კარგავს. გუშინდელი ვაჭრობისას კომპანიის ფასიანი ქაღალდები მთელი 8,4%-ით გაუფასურდა. ამის მიზეზი კი გახდა კვარტალური ფინანსური ანგარიში, რომელიც მოსალოდნელზე დაბალი აღმოჩნდა.
როგორც ანალიტიკოსები მოელოდნენ, მესამე კვარტალში კომპანიას 358 ათასი ელექტრომობილი უნდა გაეყიდა, თუმცა მხოლოდ 343 830-ის გაყიდვა შეძლო. ეს კი უკვე ამ ეტაპზე ამცირებს კომპანიის მიზნებს, 2021 წელთან შედარებით 2022 წელს 50%-ით მეტი ელექტრომობილი გაყიდოს.
აქციების გაუფასურება ასევე მოხდა ილონ მასკის ტვიტის ფონზე, რომელიც უკრაინის საკითხს ეხებოდა, რომელმაც თავის მხრივ, დიდი უკმაყოფილება გამოიწვია.
ავტორი: bpn.ge
