ვინ დიზელს „ფორსაჟში“ რობერტ დაუნი ჯუნიორის ნახვა სურს

ვინ დიზელი რობერტ დაუნი ჯუნიორს დომენიკ ტორეტოს მეტოქის როლში ხედავს.

„ფორსაჟის“ ვარსკვლავმა ვინ დიზელმა გაამხილა, რომ მას ამ საგის ერთ-ერთ სერიაში „რკინის კაცის“ როლის შემსრულებლის რობერტ დაუნი ჯუნიორის ნახვა სურს. მან ეს კომენტარი “Fast X"-ის ვიდეო ანონსის პრემიერის დროს გააკეთა.

როცა კითხეს, ვის დამატებას ისურვებდა „ფორსაჟის“ ფილმებში, მან დაუფიქრებლად უპასუხა. მისი თქმით, რობერტ დაუნის ისეთი ადამიანის როლი მოუხებოდა, რომელიც ხელოვნური ინტელექტისა და ავტონომური მართვის ავტომობილების პოპულარიზაციითაა დაკავებული. ეს კი დომენიკ ტორეტოს ფილოსოფიას მთლიანად ეწინააღმდეგება.

კითხვაზე, შესთავაზეს თუ არა უკვე მას როლი, დიზელმა პასუხს თავი აარიდა.

ფილმში დომენიკ ტორეტოს პარტნიორის როლის შემსრულებელმა, მიშელ როდრიგესმა იმავე კითხავაზე უპასუხა, რომ მას ფილმში „ჯეისონ ბორნის“ როლის შემსრულებლის მეტ დეიმონის ხილვა სურს. როდრიგესის თქმით „ფორსაჟის“ ფილმებში 4 ოსკაროსანი მსახიობი უკვე მონაწილეობს და მეხუთეს ხილვაც საინტერესო იქნებოდა.

"Fast X" კინოთეატრების ეკრანებზე მაისში გამოჩნდება. ფილმში ყველა ის ვარსკვლავი თამაშობს, ვინც მაყურებლებს „ფორსაჟის“ საგა შეაყვარა, გარდა დუეინ ჯონსონისა.

არ შეიძლება, ვინ დიზელსა და მიშელ როდრიგესს არ დავეთანხმოთ. მეტ დეიმონისა და რობერტ დაუნის მსგავსი ვარსკვლავების შემდეგ სერიაში გამოჩენა, ბევრს „ფორსაჟის“ მიმართ განელებულ ინტერესს დაუბრუნებდა.