ძალიან მოკლე Ford Fiesta $5,100-ად იყიდება

ეს დამოკლებული Ford Fiesta ინტერნეტსივრცეში ერთ-ერთი ყველაზე პოპულარული ავტომობილია და საკმაოდ სახალისოდ გამოიყურება.

ამერიკული სტანდარტებით, Ford Fiesta ისედაც პატარა ავტომობილია. რამდენიმე წლის წინ ვიღაცამ მისი კიდევ უფრო დაპატარავება გადაწყვიტა.

ახლა კი ეს Fiesta რიჩლენდში, ვაშინგტონში იყიდება. 2011 წლის Fiesta-ს მისი სხეულის დაახლოებით 20% ჩამოაჭრეს. შედეგი კი უცნაურია.

გამყიდველი განმარტავს, რომ ამ ავტომობილის მფლობელმა Fiesta 11 წლის წინ გადააკეთა, რადგან სჭირდებოდა რაღაც, რასაც კემპერს ჩააბამდა.

ალბათ, გაგიჩნდებათ კითხვა, რატომ არ იყიდა პირდაპირ პატარა ავტომობილი, მაგალითად, Smart Fortwo ან Fiat 500...

როგორც აღმოჩნდა, მფლობელს უბრალოდ დამოკლებული ავტომობილები უყვარს.

გადაკეთების მომენტში ავტომობილს მხოლოდ 11 265 კილომეტრი ჰქონდა გავლილი. ახლა კი ოდომეტრი 95,435 კმ-ს უჩვენებს. მფლობელის თქმით, ქალაქში გადასაადგილებლად შესანიშნავი ავტომობილია, რადგან 100კმ/ზე 7.4 ლიტრ საწვავს მოიხმარს.

ამ Ford-ს 1.6-ლიტრიანი ძრავა და 5-სიჩქარიანი მექანიკური გადაცემათა კოლოფი აქვს. ოფიციალური მონაცემებით, Fiesta 8.4 ლიტრს უნდა მოიხმარდეს. როგორც ჩანს, 20%-ის ჩამოჭრამ შედეგი გამოიღო.

ყიდვის მსურველებმა უნდა გაითვალისწინონ, რომ ამ ავტომობილს არც უსაფრთხოების ბალიშები აქვს, არც ABS და არც მოჭიდების კონტროლი. Craigslist-ი მას $5,100-ად ყიდის. თუმცა, სიმართლე რომ ვთქვათ, ეს უფრო სათამაშოა, ვიდრე ნამდვილი ავტომობილი.