Pininfarina-ს გიჟურ კონცეპტ PURA Vision-ს 6 კარი აქვს

Pininfarina კარების ამ უნიკალურ დიზაინს Biscotto-ს უწოდებს, რაც ქართულად ორცხობილას ნიშნავს.

Automobili Pininfarina-მ ახალი კონცეპტი წარმოგვიდგინა, რომელსაც PURA Vision-ი ჰქვია.

დიზაინის იტალიური კომპანიის თქმით, ეს Pininfarina-ს წიგნში ახალი თავის დასაწყისია.   

დასაწყისისთვის უნდა ვთქვათ, რომ აქამდე მსგავსი არაფერი გვინახავს.

გარეგნულად, ეს კომპაქტური SUV-ია, რომელიც კუპესაც ჰგავს.

ბრენდი მას Luxury Utility Vehicle-ს უწოდებს.

აქამდე ტერმინი LUV არ გამოგვიყენებია, მაგრამ, როგორც ჩანს, ახლა მოგვიწევს.

ყველაზე საინტერესო კარების განლაგებაა. წინ ორი კარია, უკანაც ორი და ისინი ჰორიზონტალურად იღება.

დამატებით, კიდევ 2 კარია, რომლებიც ვერტიკალურად იწევა. თოლიის ფრთის ფორმის კარის მსგავსად.

Pininfarina ამ დიზაინს Biscotto-ს უწოდებს, რაც ქართულად ორცხობილას ნიშნავს.

კონცეპტს 1947 წლის Cisitalia-ს გავლენა ეტყობა. კორპუსი კარბონისაა.

თვალში მასიური 23-იანი დისკები და ძალიან წვრილი LED მაშუქები გვხვდება.

ინტერიერი მინიმალისტურია.

კონცეპტს მართვის სამი რეჟიმი აქვს: Calma, Energica და Furiosa, ანუ წყნარი, ენერგიული და ბრაზიანი.

სალონში ვეგანური ტყავია გამოყენებული.

მოხვდება ეს კონცეპტი წარმოებაში? ამჯერად Pininfarina მხოლოდ Battista ჰიპერქარს უშვებს, რომელიც $2.2 მილიონი ღირს.

PURA სრულიად განსხვავებული მხეცია და მას ყოველდღიურ ცხოვრებაზე მორგება შეუძლია. ამიტომ, მომავალში შესაძლოა სერიულ წარმოებაშიც ვიხილოთ.