Countach-ი ფილმიდან „უოლ სტრიტის მგელი“ აუქციონზე გაიყიდება
გასაკვირი არაა, რომ საკმაოდ დიდ თანხად არის შეფასებული.
Lamborghini Countach-ი, რომელიც „უოლ სტრიტის მგელის“ ვარსკვლავი იყო, ნიუ იორკში იყიდება.
გარდა იმისა, რომ ეს ავტომობილი თანამედროვე კინოს ისტორიაში ერთ-ერთი ყველაზე დასამახსოვრებელია, საკმაოდ იშვიათიცაა.
მსგავსი მახასიათებლებით მხოლოდ 12 ეგზემპლარი არსებობს და სკორსეზეს ფილმში არა ერთი, არამედ 2 მათგანი გამოიყენეს.
ერთ-ერთი მათგანი ცნობილ სცენაში განადგურდა.
ლეონარდო დიკაპრიოს პერსონაჟ ჯორდან ბელფორტს ნარკოტიკი აქვს მიღებული. Countach-ში ძლივს ძვრება. შემდეგ კი გზად ყველაფერს ეჯახება და ავტომობილს ანადგურებს.
თუმცა, ნიუ იორკში ის ეგზემპლარი იყიდება, რომელიც ამ სცენას გადაურჩა.
„უოლ სტრიტის მგელის“ Countach-ი სოტბის ექსკლუზიურ აუქციონზე 8 დეკემბერს გაიყიდება.
აუქციონის შეფასებით, ამ ავტომობილის ფასი $1,500,000 - $2,000,000 უნდა იყოს.
