ელექტრო BMW M3 „ყველას დაამარცხებს“

BMW M-ის ხელმძღვანელი, ფრანკ ვან მილი სედანის ოთხძრავიან მოწყობაზე საუბრობს.

მიუხედავად იმისა, რომ საავტომობილო კომპანიები ელექტრომობილების წარმოების გეგმებს ცვლიან, BMW ამ მხრივ წინ მიიწევს. კომპანია Neue Klasse-ს პლატფორმით რამდენიმე წელიწადში ახალ მოდელებს გამოუშვებს. მათ შორის მაღალი წარმადობის M მანქანებიც იქნება. ფრანკ ვან მილი, BMW M-ის ხელმძღვანელი კი აცხადებს, რომ ელექტრო M3 „ყველას დაამარცხებს.“

Motor Trend-თან ინტერვიუში ის ოთხძრავიან კონფიგურაციაზე საუბრობს, რომელიც ნატურალურ, წრფივ და პროგნოზირებად წარმადობას უზრუნველყოფს. ამ ყოველივეს შედეგი კი ის იქნება, რომ მანქანა ყველას გაასწრებს. ნეტა, მათე რიმაცი რას ფიქრობს ამას რომ კითხულობს?

ფრანკ ვებერი, BMW-ს მთავარი ინჟინერი აცხადებს, რომ მანქანას ერთი მეგავატი სიმძლავრე ექნება, რაც 1 341 ცხენის ძალას უდრის. ახალ M3-ს ახლებური ბატარეა და გაგრილების სისტემა ექნება. ასევე, სრულიად ახალი იქნება პროგრამული უზრუნველყოფაც.

ავტომწარმოებელი მსუბუქი უკანა წამყვანი ვერსიის შექმნასაც გვპირდება, რომელიც მართვის განსხვავებულ გამოცდილებას მოგვანიჭებს. ძრავების რაოდენობის განახევრება სიმძლავრის განახევრებასაც ნიშნავს. შესაბამისად, ამ მოდელში სიმძლავრე 670 ცხენის ძალამდე ჩამოლაბორანტდება. თუმცა, ესეც საკმაოდ ბევრია. ეს ყველაფერი არ არის. შესაძლოა ელექტრო M3 Touring-იც გამოვიდეს, რომელსაც ახალი არქიტექტურა ექნება. მიუხედავად ყველაფრისა, ამ სიახლეებს საზოგადოებისთვის გამოჩენამდე რამდენიმე წელი დასჭირდება. Neue Klasse-ზე დაფუძნებული ახალი მესამე სერია 2026 წელს გამოვა. ელექტრო M3-ს კი 2027 წელს ვიხილავთ.

როგორ ფიქრობთ, გაამართლებს ელექტრიფიცირებული M3? დააფიქსირეთ თქვენი აზრი კომენტარებში.