რიკოთის ძველი გზის აღდგენითი სამუშაოები დასრულდა

რიკოთის ძველი გზის 25 კმ-იანი მონაკვეთის რეაბილიტაცია დასრულდა

საერთაშორისო მნიშვნელობის თბილისი-სენაკი-ლესელიძის საავტომობილო გზის (რიკოთის ძველი გზა) კმ159-კმ184 მონაკვეთის (ვერტყვიჭალა-ძირულას ტერიტორია) სარეაბილიტაციო სამუშაოები დასრულდა.რეაბილიტაციის პროექტის ფარგლებში მოეწყო განახლებული ასფალტ-ბეტონის საფარი, ასევე გვერდულები, ხელოვნური ნაგებობები, ლითონის ზღუდარები, შეიცვალა საგზაო ნიშნები და განხორციელდა გზის ჰორიზონტალური მონიშვნა.

სამუშაოების ჯამურმა ღირებულებამ 13.4 მილიონი ლარი შეადგინა.