აჩუქა თუ არა ილონ მასკმა Cybertruck-ი ჩეჩნეთის მეთაურს?

რამდენიმე დღის წინ, მსოფლიოს უმდიდრესი ადამიანი ილონ მასკი დეზინფორმაციის მსხვერპლი გახდა. თუმცა მილიარდერმა მის შესახებ სოციალურ მედიაში გავრცელებული ჭორები მალევე უარყო და ამ საკითხთან დაკავშირებით, შესაბამისი განცხადებაც გაავრცელა.

ყველაფერი კი მაშინ დაიწყო, როდესაც ჩეჩნეთის მეთაურმა რამზან კადიროვმა Telegram-ზე ვიდეო განათავსა, სადაც Tesla-ს Cybertruck-ის საჭესთან ზის და ხელში ავტომატი უჭირავს. უფრო მეტიც, კადიროვი, რომელიც რუსეთის პრეზიდენტ ვლადიმირ პუტინის ერთ-ერთი მთავარი მოკავშირეა ვიდეოში ილონ მასკს მიმართავს, Cybertruck-ის შესაძლებლობებს აქებს და აცხადებს, რომ უკრაინის წინააღმდეგ საომრად მზადაა. ამავე ვიდეოში, აშშ-ის მიერ სანქცირებული კადიროვი ამტკიცებს, რომ მან Cybertruck-ი საჩუქრად ილონ მასკისგან მიიღო. 

Kadyrov said he received a Tesla Cybertrack from Elon Musk. He promised to send it to the "special military operation" zone and attached a machine gun to it.

"Elon, thank you! Come to Grozny, I will receive you as the most dear guest! I do not think that our Russian MFA will be… pic.twitter.com/m72fg2G2PU

— Anton Gerashchenko (@Gerashchenko_en) August 17, 2024

„ეს Cybertruck-ი ჩვენ თავად ილონ მასკისგან მივიღეთ. შესაძლებლობა მქონდა ავტომობილი გამომეცადა და ახლა ნამდვილად დავრწმუნდი, თუ რატომ უწოდებენ მას „საიბერმხეცს“. დარწმუნებული ვარ, რომ ეს „მხეცი“ დიდ სარგებელს მოუტანს ჩვენს ჯარისკაცებს. მე გულწრფელად, დიდ მადლობას ვუხდი ილონ მასკს. ის ნამდვილად ჩვენი დროის გენიოსი და უდიდესი პიროვნებაა. Cybertruck-ი კი უდავოდ ერთ-ერთი საუკეთესო მანქანაა მსოფლიოში, რომელიც მე უკვე ძალიან შემიყვარდა“, - წერს კადიროვი Telegram-ზე გამოქვეყნებულ პოსტში. 

უფრო მეტიც, კადიროვმა მასკი სტუმრადაც კი დაპატიჟა და იმედი გამოთქვა, რომ რუსეთის საგარეო საქმეთა სამინისტრო ამ ვიზიტის წინააღმდეგი არ იქნება. ვიდეოში კადიროვი ელექტროპიკაპის შესაძლებლობებს ამოწმებს და თან ავტომატითაა შეიარაღებული. ის ავტომობილის შესაძლებლობებსაც აქებს და დარწმუნებით ამტკიცებს, რომ მანქანა მალე ფრონტზე, უკრაინის წინააღმდეგ საბრძოლველად გაიგზავნება. 

In his reply, @elonmusk confirmed he did not send a Tesla Cybertruck to Kadyrov.

Kadyrov is a liar.

The question remains - how did Kadyrov obtain a Tesla Cybertruck, and how does it keep driving there (can't it be turned off remotely? Doesn't it violate ToS?)

An interesting… https://t.co/wO6lREGFVv pic.twitter.com/h2E9zNGqGp

— Anton Gerashchenko (@Gerashchenko_en) August 19, 2024

ეს კადრები სოციალურ ქსელში მალევე გავრცელდა, რასაც მასკის მიმართ კრიტიკა მოჰყვა. თუმცა, მილიარდერმა, სულ რაღაც ორი დღის შემდეგ, დეზინფორმაციაზე განცხადება უკვე პლატფორმა X-ზე გააკეთა. განცხადებით მასკმა უკრაინელ სამხედროს, ანტონ გერაშჩენკოს პოსტის უპასუხა: „სერიოზულად გგონიათ, რომ Cybetruck-ი საჩუქრად რუს გენერალს გადავეცი? ეს კიდევ ერთი მაგალითია იმისა, თუ როგორ შეიძლება მედიამ შეცდომაში შეგიყვანოთ“. 

გერაშჩენკომ მასკის პასუხი მიიღო და ჩეჩნეთის მეთაურს მატყუარა უწოდა. კვლავ უცნობია თუ როგორ მოხვდა Cybetruck-ი კადიროვის ხელში. საქმე შესაძლოა უკანონო იმპორტთან გვქონდეს. რამდენიმე თვის წინ ლიეტუვის ხელისუფლებამ ორი Cybetruck-ი ამოიღო, რომელიც სანქციების მიუხედავად რუსეთის ტერიტორიაზე გადაჰქონდათ.