მამაკაცმა ნაქირავები Cybertruck-ი ქურდის შესაჩერებლად გამოიყენა

Tesla Cybertruck არის გასაოცარი, ფუტურისტული მანქანა, რომელიც ფანტასტიკურ ფილმის გმირების ავტომობილს უფრო წააგავს, ვიდრე ტიპურ მანქანას, რომელსაც ქუჩებში მრავლად შევხვდებით. მაგრამ აღმოჩნდა, რომ ეს მასიური პიკაპი, სამართლიანობის აღსასრულებლადაც გამოდგება.

ფლორიდაში მცხოვრებმა მამაკაცმა, ერთ დღეს Turo-ს სერვისის საშუალებით, Cybertruck-ი იქირავა, თუმცა მაშინ ვერ იფიქრებდა, რომ ცენტრალური როლის შესრულება მოუწევდა ამანათების ქურდთან დაპირისპირებაში.

ინციდენტი ფლორიდაში, დამქირავებლის სახლთან მოხდა. ავტომობილის მფლობელმა მომხდარის შესახებ ინფორმაცია Facebook-ის საშუალებით გაავრცელა. სტეფ ფელიპსის თქმით, დამქირავებელმა მძარცველი შენიშნა, რომელიც მოპარული ამანათით გაქცევას ცდილობდა. ნაქირავები Cybertruck-ით პირი მძარცველის მანქანას დაედევნა და დაეჯახა, რის შედეგადაც ქურდი უკვე მანქანას შეასკდა.

შემთხვევის ადგილზე გადაღებულ ვიდეოში ჩანს მომენტი, როგორ მიდის დამქირავებელი მანქანით თავის სახლთან და ამჩნევს ქურდს, რომელიც ამანათს იპარავს. მძარცველი Genesis G80-ის სედანში ჯდება და გაქცევას ცდილობს.

ავარიის შედეგად Cybertruck-ს მნიშვნელოვანი დაზიანებები მიადგა. Cybertruck-ს მძარცველთან შეჯახება განზრახული არ ჰქონდა, დადევნების მომენტში დროულად ვერ გაჩერდა და Genesis-საც შეეჯახა. შედეგად, Cybertruck-ის წინა ნაწილი, მათ შორის კაპოტი, ბამპერი და მეოთხედი პანელი, ძლიერ დაზიანდა. თუმცა მფლობელის განცხადებით, მანქანის შეკეთების ხარჯებს დაზღვევა სრულად დაფარავს.

Genesis-ში სულ სამი ადამიანი იმყოფებოდა, სამივე მათგანი დაკავებულია. ამ ეტაპისთვის უცნობია წარედგინება თუ არა რაიმე სახის ბრალდება Cybertruck-ის დამქირავებელს.