საქორწილო ფოტო: წყვილი და მათი იდენტური Nissan 300ZX
საქორწილო ფოტოებში ავტომობილები იშვიათობას არ წარმოადგენს. თუმცა ხშირად ვერ ნახავთ წყვილს, რომელთაც ერთნაირი მანქანები ჰყავთ და თანაც, ეს ავტომობილები შავ-თეთრი ფერის Nissan 300ZX-ებია.
ცოტა ხნის წინ, სოციალურ ქსელში ერთ-ერთი საქორწილო ცერემონიიდან ფოტოები გავრცელდა. ყურადღება კი სწორედ პატარძლისა და სიძის იდენტურმა მანქანებმა მიიპყრო, ოღონდ სხვადასხვა ფერში. ეს მოდელები Z32 300ZX-ებია, თაობა, რომელიც 350Z-მდე გამოდიოდა. ორივე მანქანა მოდიფიცირებულია და თითქმის ახალივით გამოიყურება.
View this post on Instagram
ამ ფოტოს ისტორიის შესახებ ბევრი არაფერია ცნობილი, თუმცა როგორც ირკვევა, წყვილი Nissan-ის მოდელებს წლებია ფლობს. ისინი ერთმანეთს პირველად Twitter-ის საშუალებით დაეკონტაქტნენ, ერთმანეთს კი Nissan Z-ის ღონისძიებაზე შეხვდნენ.
ქორწილის ამსახველი ფოტოები სოციალურ ქსელში იაპონელმა ფოტოგრაფმა გამოაქვეყნა. ფოტოებზე წყვილი მათი შავ-თეთრი Nissan 300ZX-ების წინ პოზირებს.
