Jaguar-ის რებრენდინგი: ახალი ლოგო და სტრატეგია

Jaguar Land Rover-ი ცვლილებებისთვის ემზადება. ბრიტანულმა ავტომწარმოებელმა „ახალი ეპოქა“ გასულ კვირას, საჯარო გზებზე, თავისი ოთხკარიანი GT-მოდელების ტესტირებით დაიწყო. პირველ მათგანს კი, ფართო საზოგადოებას, 2026 წელს შესთავაზებს. ხოლო დეკემბერში, Miami Art Week-ზე ელექტრომობილებისთვის დიზაინის პროტოტიპსაც წარადგენს, რაც კომპანიის EV-ების მიმართულებისთვის, ხელახალი დაბადება იქნება.

რებრენდინგის ფარგლებში, Jaguar-ი ბრენდის ლოგოსა და ძირითადი სიმბოლოებისთვის ახალ ფონტსაც გამოიყენებს. მეორე ცვლილება ჰორიზონტალური ზოლების 16-ნაწილიანი ფონია, სახელწოდებით "Strike Through", რომელიც ახალი მანქანების "საყოველთაოდ აღიარებული სიმბოლო" გახდება. მესამეა ფერთა პალიტრა - ავტომობილის „ფაქტურის და მოძრაობის უკეთ წარმოსაჩენად“.

ბრენდის ახალი ვიზუალური იდენტობის ხაზგასასმელად კი, მეოთხე ძირითადი ცვლილება Maker’s Mark-ი იქნება. ეს უკანასკნელი ორი ელემენტისგან შედგება: პირველი, ტრადიციული - Leaper-ის ლოგო, თუმცა ახლა შეცვლილი. და აგრეთვე მეორეც, მედალიონის ფორმის მონოგრამა, ‘j’ და ‘r’ ინიციალებით.

„ეს არის ცვლილებები, რომელიც Jaguar-ის არსს ასახავს, უბრუნებს მას იმ ღირებულებებს, რომლებიც ოდესღაც მასში ასე უყვარდათ, ამასთან ერთად კი მას თანამედროვე აუდიტორიისთვის აქტუალურსაც ხდის“, - თქვა დიზაინის მიმართულების ხელმძღვანელმა გერი მაკგოვერნმა. „ჩვენ ვქმნით Jaguar-ს მომავლისთვის, აღვადგენთ მის სტატუსს, როგორც ბრენდს, რომელიც ჩვენი კლიენტებისა და საზოგადოების ცხოვრებას ამდიდრებს“.

გლოვერი კრიტიკოსებს მოუწოდებს გადახედონ Jaguar-ის ელექტრომობილების სტრატეგიის გრძელვადიან სარგებელს და დამუხტვის ტექნოლოგიებისა და ელექტრომობილების განვითარებაზე ყურადღებას ამახვილებს იმ დროისთვის, როდესაც პირველი ახალი ელექტრო Jaguar გამოვა ბაზარზე. ის აღნიშნავს, რომ მომავალი მოდელები შთამბეჭდავ დიაპაზონს და დამუხტვის შესაძლებლობებს შესთავაზებენ, რაც მათ მზადყოფნას ელექტრომობილების მომავლისთვის უზრუნველყოფს.