Jaguar XKSS-ი რესტავრაციის მაღაზიიდან მოიპარეს
ტეხასში მდებარე Team CJ Works-ი უიშვიათესი კლასიკური ავტომობილების რესტავრირებითაა ცნობილი. კომპანიამ Jaguar E-Types-ს, Mercedes 300SL Gullwings-სა და Lamborghini Miuras-ს ჩაუტარა რესტავრაცია. გარდა ამისა, მათი ერთ-ერთი გამორჩეული პროექტი Jaguar XKSS-ია.
ეს E-Type-ის ბაზაზე შექმნილი მშვენიერი ასლია, რომელიც 1950-იანი წლებში, Le Mans-ის გამარჯვებულ Jaguar D-Type-ის პატივსაცემად შეიქმნა. თუმცა სამწუხაროდ, ეს მოდელი სწორედ ტეხასის სარესტავრაციო მაღაზიიდან მოიპარეს და ახლა, Team CJ Works-ი მანქანის სახლში, უვნებლად დაბრუნებას ცდილობს.
უცნობია, თუ როგორ მოიპარეს Jaguar-ი. არც შესაძლო მძარცველის შესახებ გავრცელებულა რაიმე სახის ინფორმაცია. რეტრომოდელს, ამჟამად, ოსტინის განყოფილება ეძებს. თუმცა, შემთხვევის შემდეგ ქალაქში მანქანა არავის შეუმჩნევია, რაც ბადებს ეჭვს, რომ ქურდმა შესაძლოა ქალაქიც დატოვა.
ქარხნული Jaguar XKSS-ი, სარბოლო D-Type-ის საგზაო ვერსიად შეიქმნა. მანქანა 3.6-ლიტრიანი ექვსცილინდრიანი ერთრიგა ძრავით იყო აღჭურვილი და 262 ცხენის ძალას გამოიმუშავებდა. მოდელი Jaguar Classic-მა ქარხნული მახასიათებლების გათვალისწინებით, 2016 წელს აღადგინა და მას შემდეგ, ლოს-ანჯელესის მუზეუმში იყო განთავსებული.
თუმცა, Team CJ-ის ასლს ალუმინის კორპუსი და 4.7-ლიტრიანი ძრავა აქვს, რომელიც 390 ცხენის ძალას გამოიმუშავებს. საინტერესოა, რომ ეს მოდელი, კლასიკური E-Type-ის დაკიდების სისტემითა და ტრანსმისიითაა აღჭურვილი. ქარხნულის მსგავსად, Team CJ-ის ასლიც Opalescent Dark Green ფერია.
