დაღუპული მძღოლის ოჯახი Tesla-ს ავტოპილოტის გაუმართაობისთვის უჩივის
ელექტრომობილების ამერიკულ მწარმოებელ Tesla-ს კალიფორნიაში მცხოვრები ოჯახი უჩივის. მათი მტკიცებით, 18 ივლისს მომხდარ ავტოსაგზაო შემთხვევას, რომელიც Tesla-ს ავტოპილოტის სისტემის გაუმართაობამ გამოიწვია, მათი ოჯახის წევრის სიცოცხლე ემსხვერპლა.
არსებული ინფორმაციით, ეჭვები იმის შესახებ ჰქონდა თუ არა მძღოლს ინციდენტის მომენტში ელექტრომობილი ნახევარ ავტონომიური მართვის რეჟიმი ჩართული, საბოლოოდ დადასტურდა. გამოძიების თანახმად, მანქანა შეჯახებამდე 12 წუთის განმავლობაში ავტოპილოტის რეჟიმზე იყო, მძღოლი კი, საჭეზე კონტროლსაც ინარჩუნებდა. შესაბამისად, გაურკვეველია, რატომ ვერ შეამჩნია ელექტრომობილის მძღოლმა სახანძრო მანქანის ანთებული განათებები და ინციდენტის თავიდან აცილება ვერ მოახერხა.
სასამართლოში დაღუპული მძღოლის ოჯახი Tesla-ს ავტოპილოტის სისტემის გაუმართაობას ედავება. ბრალდება მომხმარებელთა საჩივრების „სისტემურ გადამალვაზეც“ მიუთითებს, რაც მოიცავს ავარიებს, ასევე გაუთვალისწინებელ დამუხრუჭებასა და აჩქარებას.
Slow down and move over when approaching emergency vehicles. Truck 1 was struck by a Tesla while blocking I-680 lanes from a previous accident. Driver pronounced dead on-scene; passenger was extricated & transported to hospital. Four firefighters also transported for evaluation. pic.twitter.com/YCGn8We1bK
— Con Fire PIO (@ContraCostaFire) February 18, 2023
ამერიკულ კომპანიას სარჩელზე ტრადიციული პასუხი აქვს: კომპანიის თქმით, ინციდენტი სისტემის „არასწორად გამოყენებამ და არასათანადო მოვლამ“ გამოიწვია. Tesla-ს მტკიცებით, მძღოლს სრულად არ ესმოდა ავტოპილოტის შესაძლებლობები, რამაც ტრაგედია გამოიწვია.
ოჯახის სარჩელი ყურადღებას სისტემის სახელწოდებასა და მარკეტინგზეც ამახვილებს, რაც მომხმარებლებში მცდარ მოლოდინებს იწვევს. „მენდოსას სჯეროდა, რომ ავტოპილოტი და სრულად ავტონომიური მართვის სისტემა უსაფრთხო იყო და საჯარო გზებზე დამოუკიდებლად გადაადგილებაც შეეძლო“, - აღნიშნულია სარჩელში.
ფაქტია, ბოლო დროს, Tesla-ს ავტოპილოტისა და სრულად ავტონომიური მართვის სისტემის გაუმართაობის არაერთი შემთხვევა დაფიქსირდა. მათ შორის ნაწილი ავტოსაგზაო შემთხვევებით დასრულდა. ინციდენტთა ზრდა კიდევ ერთხელ ამახვილებს ყურადღებას მძღოლთა პასუხისმგებლობაზე, მათ შორის მაშინ, როდესაც ისინი ელექტრომობილს ავტოპილოტის რეჟიმში მართავენ.
