Tesla-ს ელექტრომობილი ვიღაცამ "კატაფალკად" აქცია

დღემდე, Tesla-ს არაერთი მოდელის მოდიფიცირებული ვერსია ვიხილეთ. თუმცა ეს კონკრეტული ვერსია, რომლის შეძენაც ნიდერლანდებშია შესაძლებელი, ყველა არსებულისგან განსხვავდება. ეს ავტომობილი Tesla Model 3-ია და ის ნიდერლანდებში დამკრძალავ მანქანად, ე.წ. "კატაფალკად" გადააკეთეს.

Tesla Model 3-ის "კატაფალკა" კომპანია Derks Funeral Mobility-ს ეკუთვნის, რომელიც დაკრძალვებისთვის განკუთვნილი ელექტრომობილისთვის საკმაოდ მაღალ ფასსაც, €118 950-ს ითხოვს. Tesla, რომლის ბაზაზეც მისი მოდიფიცირებული ვერსია შეიქმნა სრულიად ახალია და 2023 წლის ბოლოსაა გამოშვებული. ავტომობილს მხოლოდ 50 კილომეტრი აქვს გავლილი. ელექტრომობილის წინა ნაწილი თითქმის იგივეა, მთავარი ცვლილებები კი, მის უკანა ნაწილზე მოდის.

მეტალის კორპუსი, რომელიც ავტომობილის წინა კარებიდან გრძელდება, ახალია, სახურავით, რომელიც შედარებით შემაღლებულია და ლუქითაა დაფარული. უკანა კარები გამქრალია, რის სანაცვლოდაც Tesla წინა კარების ქვეშ გამოყოფილ შესანახ ადგილს გვთავაზობს.

უცვლელია Model 3-ის სალონის წინა სივრცეც, შენარჩუნებულია ბრენდის მინიმალისტური სტილი და ცენტრში დამონტაჟებული დიდი ეკრანიც. წინა სავარძლები მასიური სატვირთო ზონისგან გამოყოფილია, ხოლო ავტომობილის ჭერზე ელეგანტური განათების სისტემაცაა განთავსებული, რაც მას Rolls-Royce-ს ამსგავსებს.