სარბოლო Camaro, რომლის ცხენის ძალებსაც ვერ დაიმორჩილებთ

წარმოუდგენლად მაღალი სიმძლავრის ქარხნულად დამზადებული Camaro სწორედ ის მონსტრია, რომლის დამარცხებაც Dodge Demon 170-საც შეიძლება გაუჭირდეს. გარდა ამისა, ეს საკმაოდ უიშვიათესი COPO Camaro-ს სერიისაა, რაც ნიშნავს, რომ ერთ-ერთია იმ 70-ზე ნაკლები ეგზემპლარიდან, რომელიც კვლავ არსებობს.

საოცარი Camaro, რომელიც 1 300 ცხენის ძალას გამოიმუშავებს, ერთ დროს ერიკა ენდერსის სარბოლო მანქანა იყო. ეს ის ენდერსია, რომელმაც NHRA-ს ჩემპიონატი ექვსჯერ მოიგო. შედეგად, ამ მოდელის შეძენით ახალი მფლობელი უდიდესი სარბოლო ისტორიის ნაწილიც გახდება და საჩუქრად, ენდერის ხელმოწერასაც მიიღებს, რომელიც ავტომობილის სალონში პანელზეა ამოტვიფრული. ამას ემატება ახლახან განახლებული ძრავა, სარბოლო აღჭურვილობა და მცირე ზომის ლეპტოპი, რომელიც აუცილებლად გამოგადგებათ.

1 300 ცხენის ძალის მქონე სარბოლო Camaro მიმდინარე კვირაში, Mecum's Glendale 2025-ის აუქციონზე გამოჩნდება. 2016 წელს ამ Camaro-ს მხოლოდ 69 ეგზემპლარი დამზადდა, რაც მას აუქციონის ერთ-ერთ უიშვიათეს ლოტად აქცევს. მოდელის 5.7-ლიტრიანი LSX V8 ძრავა ცოტა ხნის წინ განახლდა. ძრავა Whipple-ის კომპრესორს, MSD-ის ანთების კოჭას, Elite Motorsports-ის სარეველების საფარებს და Stef-ის კულერებს იყენებს. 

რაც შეეხება ლეპტოპს, ის უფუნქციო ტექნიკური ნაწილი არ გეგონოთ. მფლობელი მას წლების განმავლობაში, ავტომობილთან ერთად ინახავდა და აერთიანებს ყველაფერს - რბოლის ჟურნალებიდან დაწყებული,  მოდიფიცირებული პარამეტრების და შესრულების მონაცემებით დასრულებული. ეს ყველაფერი ისაა, რასაც პროფესიონალი სარბოლო გუნდი ჰაერის, საწვავის და დროის კომბინაციების დასაზუსტებლად იყენებს.

ასე რომ, მაშინ, როცა ერიკა ენდერსი იყო უკანასკნელი ადამიანი, ვინც ამ მოდელით რბოლაში იასპარეზა, საკითხავია  - ვინ იქნება შემდეგი. ავტომობილი აუქციონზე 22 მარტს გამოვა და ამ შეკითხვასაც პასუხი გაეცემა.