Cadillac-ების სერიულ ქურდს ახალი მსხვერპლი ჰყავს | და ალბათ, ყველაზე ძვირად ღირებულიც

დეტროიტის ოლქის პოლიციამ 24 წლის მამაკაცი დააკავა, რომელიც $1.5 მილიონის ღირებულების Cadillac Escalade V-ის მოდელების მოპარვაშია ბრალდებული. და ეს არც პირველი შემთხვევაა, რადგან გამოძიება მას 2024 წლის დასაწყისში, Chevrolet-ს სადილეროდან ავტომობილის მოპარვასა და პოლიციისგან გაქცევასაც ედავება.

ბრუკსი პოლიციამ 11 მარტს, სიღრმისეული გამოძიების შემდეგ აიყვანა. ადგილობრივმა სამმართველომ საქმის წარმოება 2024 წლის დეკემბერში დაიწყო, მას შემდეგ, რაც ბრუკსმა GM-ის სადილეროს ლოტიდან Cadillac-ის რამდენიმე მოდელი მოიპარა. Detroit Free Press-ის თანახმად, ამ მანქანების უმეტესობა ან ახალი იყო, ან კორპორაციული შესყიდვის და ისინი დილერებისთვის მისაწოდებლად ჰქონდათ გამზადებული.

 

ადგილობრივი სამართალდამცავების ცნობით, ბრუკსმა სადილეროდან $1.5 მილიონის ღირებულების ავტომობილები მოიპარა. თუმცა უცნობია იყო თუ არა მოპარულს ავტომობილებს შორის, Escalade V-ის გარდა სხვა მოდელებიც. ინფორმაციისთვის, Escalade V-ის ფასები აშშ-ის ბაზარზე $160 000-დან იწყება. გამომძიებლების მტკიცებით, მამაკაცმა  მანქანები კლონირებული VIN ნომრებით ქვეყნების ფარგლებს გარეთ გაყიდა.

გასული თვის დასაწყისში, ბრუკსი სასამართლოშიც გამოცხადდა, სადაც ერთ-ერთი ბრალდებაში, რომელიც მაქსიმუმ 20 წლით თავისუფლების აღკვეთას ითვალისწინებდა, უდანაშაულოდ სცნეს. მისი გირაო $2 მილიონით განისაზღვრა, მაგრამ იმ შემთხვევაშიც კი, თუ ის გირაოს დაფარავს, ციხიდან გათავისუფლების შემთხვევაში მას GPS-ის სამაჯურის ტარება მოუწევს.

როგორც აღვნიშნეთ, ბრუკსი პოლიციისთვის უცხო არაა. 2024 წლის 29 თებერვალს, ის ჰაიდბრეიხტის Chevrolet-ის სადილეროდან ავტომობილის მოპარვისა და პოლიციისგან გაქცევის შემდეგ დააკავეს. მას ბრალი Serra Cadillac-დან მანქანების მოპარვაშიც  ედებოდა.