გაბრაზებული მომხმარებლების გამო Tesla-მ პანიკის ოთახები შექმნა
Tesla-ს სადილეროებსა და ელექტრომობილებზე გაზრდილი თავდასხმებით შეშინებული მძღოლების ნაწილი, ამერიკულ ელექტრომობილების ყიდის, ნაწილიც მისი შეძენისგან უკვე თავს იკავებს. თუმცა განრისხებული მოქალაქეებისგან თავდაცვა განსაკუთრებით Tesla-ს სადილეროების თანამშრომლებს უჭირთ. თუმცა, როგორც აღმოჩნდა, პერსონალის დასაცავად კომპანიას გეგმა უკვე აქვს.
ახალი ანგარიშის თანახმად, Tesla-ს ზოგიერთ სადილეროში პანიკის ოთახებია განთავსებული, განრისხებული მომხმარებლებისგან პერსონალის დასაცავად. Tesla-ს შიდა დოკუმენტი სახელწოდებით „მენეჯერების უსაფრთხოება: საფრთხეები და აგრესია თქვენი გუნდის წინააღმდეგ“ ერთ-ერთ გერმანულ გამოცემას კომპანიის შიდა წყარომ გადასცა. ანგარიში რამდენიმე დეტალს მოიცავს, რომელიც Tesla-ს თანამშრომლებისადმი მოპყრობის შესახებ ინფორმაციას გვაწვდის.
„თავიანთი უსაფრთხოებიდან გამომდინარე, სერვისცენტრის ან შოურუმის თანამშრომლები შესაძლოა მოძალადე მომხმარებლებისა ან სხვა მიზეზების გამო შეშინებულები იყვნენ“, - წერია დოკუმენტში, რომელიც შემდგომში განმარტავს, რომ მსგავსი შემთხვევებისთვის Tesla-მ შენობათა ნაწილი შეცვალა, რათა „დამსაქმებელს მომხმარებელთა მხრიდან ძალადობის გამოვლინების დროს პირდაპირი წვდომა მიეცეს ცალკე ოთახებზე“.
უცნობია, რომელ ობიექტებშია განთავსებული პანიკის ოთახები, თუმცა აქ უფრო საინტერესო სხვა ფაქტია. მსგავსი ოთახები სადილეროებში 2025 წლამდე არსებობდა, მანამ, სანამ ელექტრომობილების ამერიკულ მწარმოებელზე გახშირებული თავდასხმები დაიწყებოდა.
Tesla-ს პერსონალის უსაფრთხოების დოკუმენტი მოუწოდებს თანამშრომლებს, მაქსიმალურად შეეცადონ გამოიჩინონ თანაგრძნობა გაბრაზებული კლიენტის მიმართ და არ მიიღონ ეს პირად შეურაცხყოფად. მათ ასევე მოუწოდებენ მონაწილეობა მიიღონ როლურ თამაშში სხვა თანამშრომლებთან, რათა უკეთ მოემზადონ ნებისმიერი სახის დაპირისპირებისთვის და რეგულარულად გაუზიარონ პრობლემები ერთმანეთს, ყავის თანხლებით.
