Subaru-ს გაყიდვები რეკორდულ ნიშნულზეა | მიზეზი პირველი ელექტრომობილია

ბაზარზე პირველი გამოჩენისას, Subaru Solterra მომხმარებელთა შორის დიდი პოპულარობით არ სარგებლობდა. Subaru-ს პირველი ელექტრომობილი საკმაოდ ძვირი ღირდა და დიდად არც მახასიათებლებით გამოირჩეოდა. თუმცა Solterra-ს მოთხოვნის ზრდა ავტომწარმოებელმა 2020 წლისთვის, EV-ის ღირებულების $6 500-ით შემცირებით მოახერხა. ცნობისთვის, Solterra ავტომწარმოებლის პირველი ელექტრომობილია, რომელიც მან პირველად 2023 წელს წარადგინა. 

კომპანიის სტრატეგიამ შედეგიც გამოიღო. მარტში, გასული წლის შესაბამის პერიოდთან შედარებით, მოდელის გაყიდვები 159%-ით გაიზარდა. თუმცა ავტომწარმოებელს ამ მიმართულებით კვლავ სამუშაო აქვს, რადგან გასულ თვეში, Subaru-მ ამერიკის შეერთებული შტატების ბაზარზე Solterra-ს მხოლოდ 1 154 ერთეული გაიტანა. ელექტრომობილის გარდა, Subaru-ს ყველაზე გაყიდვად მოდელებს შორის იყო Forester-ი. კროსოვერის გაყიდვებმა 7.3%-ით მატების შემდეგ, 22 570 ერთეულს მიაღწია.

Forester-ს Crosstrek-ი მოჰყვება, რომელიც მარტის თვისთვის რეკორდული 18 169 ერთეული გაიყიდა, წლიურმა ზრდამ კი, 25%-ს გადააჭარბა. ანალიტიკოსთა მოლოდინებს აუმჯობესებს შედარებით მოძველებული სრულამძრავიანი უნივერსალი Outback-ი. Subaru-მ მარტში ამ მოდელის 17 539 ერთეული გაყიდა. გასულ თვეში, გაყიდვები მხოლოდ Accent-ისა და WRX-ის შემთხვევაში დავარდა. კროსოვერი 11.4%-ით 4 584 ერთეულამდე, ხოლო 271 ცხენის ძალის მქონე სედანის გაყიდვები 16.2%-ით, 1 539 ერთეულამდე დაეცა.

გასული თვის მონაცემით, წლიურ ჭრილში, Subaru of America-ს გაყიდვები 16.6%-ით რეკორდულ 71 478 მანქანამდე გაიზარდა. მანამდე, ყველაზე მაღალი თვიური მაჩვენებელი 2019 წლის აგვისტოში დაფიქსირდა, როდესაც კომპანიის ამერიკულმა განყოფილებამ 70 039 ერთეული მანქანა გაყიდა.