დღეს პირველი აპრილია: სამწუხაროდ, BMW-ს M2 Dakar-ის კონცეფცია მხოლოდ ხუმრობაა

ყოველწლიურად, აპრილის პირველი დღეების „გასახალისებლად“ ტყუილები ავტომწარმოებლესაც სჩვევიათ. ხშირად მათი ხუმრობები არც თუ ისე სასაცილოა, თუმცა ეს ის შემთხვევაა, როდესაც ხუმრობა, რომ რეალობა ყოფილიყო, ბევრს ალბათ უფრო გაუხარდებოდა. თქვენ წინაშე BMW M2 Dakar-ის კონცეფტია, რომელიც უბრალოდ კომპანიის საპირველაპრილო განცხადება გამოდგა.

პირველ აპრილს, BMW-მ ინსტაგრამზე დალიფტული M2-ის სურათები გამოაქვეყნა, რომელიც უგზოობისთვის განკუთვნილი საბურავებითა და მოდიფიცირებული ძარით იყო აღჭურვილი. ქარხნული M2-ის დიზაინის კრიტიკოსებმა შეიძლება თქვან, რომ ეს მოდელი მისი მოუხერხებელი წინა ბამპერის გარეშე ბევრად კარგადაც გამოიყურება.

ფოტოებზე, წინა და უკანა ფენდერებს გიგანტური სავენტილაციო შემშვებები აქვს, რაც უდაბნოს პირობებშიც კი, ავტომობილის მუხრუჭების გაგრილებას უზრუნველყოფს. ეს კონცეფტი 3-ლიტრიანი ექვსცილინდრიანი ძრავითაა აღჭურვილი და 473 ცხენის ძალას გამოიმუშავებს. და გამომდინარე იქიდან, რომ მსოფლიოში არცერთი ოფ-როუდ მანქანა სათადარიგო საბურავის გარეშე არ გვინახავს, Dakar-საც სახურავზე აქვს ადგილი, სათადარიგო საბურავის დასამაგრებლად და გადაუდებელი სიტუაციისთვის, საწვავის შემნახველიც.

რამდენიმე წლის წინ, შესაძლოა ეს კონცეფტი განმარტების გარეშეც არავის დაეჯერებინა. თუმცა Porsche 911 Dakar-ის შემდეგ, რთულად წარმოსადგენი არაა, რომ BMW-საც მსგავსი მოდელი შეექმნა. მაგრამ სამწუხაროდ, ეს მხოლოდ საპირველაპრილო ხუმრობა აღმოჩნდა.