34 წლის Honda Civic-ი აუქციონზე S2000-ის ფასად გაიყიდა

წლების გასვლის მიუხედავად, Honda Civic-ი ავტოენთუზიასტთა შორის პოპულარობას არ კარგავს. ამის კარგი მაგალითი ეს მოდელია, რომელიც აუქციონზე S2000-ის ფასად გაიყიდა. ეს ავტომობილი 1991 წლის Civic Si-ია, რომლის ფასმაც Cars&Bids-ზე $12 100-ს მიაღწია. 32 წლის წინანდელ Civic-ს 300 000 კმ-ის გარბენი აქვს და Doug DeMuro-ს ვიდეოში მონაწილეობითაა ცნობილი.

ეს მოდელი ვარსკვლავური მემკვიდრეობა ნამდვილად არ არის, თუმცა მისი ასაკისა და გარბენის გათვალისწინებით, შესანიშნავ მდგომარეობაშია. ამის მიუხედავად, გასაყიდ ტექსტში მფლობელიც აღნიშნავს, რომ Civic-ი შორს არის სრულყოფილებისგან, რადგან ნაწილებში საღებავი გაცვეთილია, აქვს ნაკაწრები და დეფექტებიც. რაც შეეხება ქარხნულ აღჭურვილობას მანქანას, ელექტრული ლუქისა და 14-ინჩიანი ფოლადის საბურავების გარდა, ბევრი არაფერი აქვს. ინტერიერი დაახლოებით ისეთივე სადაა, როგორც ექსტერიერი, მაგრამ უნდა აღინიშნოს, ორტონიანი სავარძლები, AM/FM-ის აუდიო სისტემა და ფლეეერი.

რაც შეეხება Civic Si-ის შესაძლებლობებს. ეს კონკრეტული მოდელი 1.6-ლიტრიანი 4-ცილინდრიანი ძრავითაა აღჭურვილი, რომელიც 108 ცხენის ძალასაა და.135 ნიუტონ მეტრს გამოიმუშავებს. ძრავა 5-სიჩქარიან მექანიკასთანაა დაკავშირებული, რომელიც მის სიმძლავრეს ავტომობილის წინა ბორბლებზე ანაწილებს. მფლობელი განცხადებაში, ზეთის მცირე გაჟონვებისა და გამონაბოლქვ სისტემაზე კოროზიის არსებობაზე წერს.

ამ ყველაფრის გათვალისწინებით, ავტომობილის ეს ფასიც გასაკვირია. განსაკუთრებით მაშინ, როდესაც გასული წლის აგვისტოს, სულ რაღაც 12 750 დოლარად S2000-ად გაიყიდა. ამ უკანასკნელს გარბენიც შედარებით ნაკლები ჰქონდა, თუმცა ის რეტრო დიზაინის ხიბლი არ ჰქონდა, რომელიც Civic-ს გამოარჩევს.