რამდენი Porsche 911, Ferrari, Bugatti, Aston Martin-ი და Lamborghini დადის საქართველოში?
მაღალი კლასის ავტომობილების სტატისტიკა საქართველოში.
საქართველოს სტატისტიკის ეროვნული სამსახურის 2024 წლის მონაცემებით, საქართველოში რეგისტრირებული ავტომობილების რაოდენობა 1 790 587-მდეა გაზრდილი. 2023 წელს, ეს მაჩვენებელი, 1 680 400 ერთეულ ავტომობილს უტოლდებოდა, რაც ნიშნავს, რომ ერთი წლის ჭრილში მატებამ 110 151 ავტომობილი შეადგინა.
2024 წლის მონაცემებით, საქართველოს მასშტაბით Mercedes-Benz-ისა და Toyota-ს მოდელები სჭარბობს. ავტომობილების დიდი ნაწილი კი, თბილისის მასშტაბითაა თავმოყრილი. შედარებით ხელმისაწვდომი ბრენდების გარდა, ქვეყნის მასშტაბით ყოველწლიურად იზრდება პრემიუმ კლასის ავტომობილების რაოდენობაც, როგორებიცაა Porsche, Ferrari, Bugatti, Aston Martin-ი და Lamborghini.
გასული წლის დეკემბრის მონაცემებით, საქართველოს მასშტაბით სულ Porsche-ს 3 595 მოდელია რეგისტრირებული. აქედან ყველაზე მეტი არის Porsche Cayenne – 888 ერთეული, შემდეგ Macan-ი - 440 ერთეული და Cayenne S-ი - 299 ერთეული. რაც შეეხება 911-ს, საქართველოს სტატისტიკის ეროვნული სამსახურის მონაცემებით, საქართველოს მასშტაბით ჯამში სულ 63 ერთეული 911 Carrera გადაადგილდება.
საინტერესოა, რომ Porsche-ს მოდელი საქართველოს უკლებლივ ყველა რეგიონშია რეგისტრირებული, აქედან ყველაზე მეტი - 2 732 ერთეული დედაქალაქში. ცნობისთვის, 2023-2024 წლის პერიოდში, საქართველოში სულ Porsche-ს 751 ერთეული მოდელი დარეგისტრირდა. რაც შეეხება მოდელების მიხედვით საქართველოში Porsche-ს ავტომობილების რაოდენობას, ათეული ასე გამოიყურება:
Ferrari-ის შემთხვევაში, საქართველოში 2024 წლის ბოლოს, სულ რაღაც 64 ერთეული იყო რეგისტრირებული. მათგან ქვეყნის მასშტაბით ყველაზე პოპულარული მოდელი 296 GTB-ის, სულ 10 ერთეულით, შემდგომ მოდის Roma (8 ერთეული) და SF90 Stradale – 7 ერთეული. ცნობისთვის, თბილისში ყველაზე მეტი 52 ერთეული Ferrari-ია რეგისტრირებული და საინტერესოა ის ფაქტიც, რომ 2022 წლის შემდეგ, საქართველოში რეგისტრირებული Ferrari-ის მოდელების რაოდენობა 28-დან 64 ერთეულამდეა გაზრდილი. ტოპ-10 რეგისტრირებული მოდელი საქართველოში შემდეგნაირად გამოიყურება:
საქართველოს მასშტაბით, გასული წლის ბოლოსთვის, Lamborghini-ის ყველაზე პოპულარული მოდელი Urus-ი იყო. ქვეყნის ფარგლებში სულ 21 ერთეული Urus-ია რეგისტრირებული, ხოლო მთლიანობაში Lamborghini-ის რაოდენობა 50 ერთეულს შეადგენს. ეს უკანასკნელი 2022 წლის შემდეგ თითქმის გაორმაგებულია. მეორე ყველაზე პოპულარული მოდელი, 5-5 ერთეულით საქართველოში, Hurracan-ი და Aventador-ია.
საქართველოში რეგისტრირებული Aston Martin-ების რაოდენობა 25 ერთეულს აღწევს, საიდანაც თითქმის სრული უმრავლესობა - 22 ერთეული - დედაქალაქზე მოდის. Aston Martin-ის ყველაზე პოპულარული მოდელი Martin Vantage გახლავთ, რომლის რაოდენობაც ქვეყანაში სულ რაღაც 4 ერთეულს აღწევს. ასევე ქვეყნის მასშტაბით, 3-3 ერთეული Martin DB11 და Martin DB12 Coupe დადის. Aston Martin-ების Top-10 ასე გამოიყურება:
ყველაზე მცირე რაოდენობით კი, საქართველოში Bugatti-ის შეხვდებით. 2025 წლისთვის, საქართველოში რეგისტრირებული Bugatti-ის რაოდენობამ მხოლოდ სამი ერთეული შეადგინა. გამოდის, რომ საქართველოში სულ რაღაც ერთი Chiron-ი, ერთი Roadster-ი და ერთი TYP 11-იც დადის მათგან ორი კი, 2023-2024 წლის პერიოდშია რეგისტრირებული.
